Nesta edición, especialmente significativa, reforzamos a nosa identidade e proxección cunha programación que é tamén a máis internacional, contando con artistas procedentes de Cuba, Arxentina, Perú, Palestina ou Estados Unidos, reafírmándonos como un festival integrado no territorio, habitando os espazos naturais e patrimoniais da comarca desde o respecto e a sostibilidade, promovendo a participación veciñal e a recuperación da memoria colectiva. Un festival aberto, accesible e diverso no que os lugares fan parte activa da programación, entendendo a cultura como ferramenta de transformación social e territorial.