A trompetista e cantante catalá Alba Careta presenta “Teia”, o seu terceiro disco, unha compilación de composicións inspiradas nas súas propias vivencias e experiencias acompañadas tamén de dúas versións da nova cançó. Despois de recibir o premio Enderrock a mellor disco revelación de jazz e de xirar por algúns dos mellores escenarios da escena jazz europea, como Jazzahead (Bremen), Jazzaldia (Donostia), Injazz (Rotterdam) ou Jazz I Am (Barcelona), chega agora a Narón cun directo explosivo, enérxico e orgánico e cun quinteto formado polos mellores músicos da escena jazzística catalá actual.
